ՍՀՀԿ Սույն թվականի մարտի 1-ին Գորիսի պետական համալսարանի հայոց լեզվի և գրականության ամբիոնի ասիստենտ Գոհար Կարենի Սահակյանին շնորհվել է գիտությունների թեկնածուի գիտական աստիճան (Ժ.01.02 — Նորագույն շրջանի հայ գրականություն), թեման՝ «Հակոբ Կարապենցի փոքր արձակը, գրական առնչություններ»:
Սյունիքի հայագիտական հետազոտությունների կենտրոնը շնորհավորում է երիտասարդ գիտնականին, մաղթում առողջություն, ընտանեկան հաջողություններ և գիտամանկավարժական բեղմնավոր աշխատանք հանուն մատաղ սերնդի և հայրենիքի:
Գիտությունը հավերժական գետակ է, որտեղ կանգառը կամ ճահիճ է կամ հողի տակ աներևույթ անցում:
«Ես չեմ հիշում մի բնագիր, որ հանձնարարված լիներ մեր ուսանողուհի Գոհար Սահակյանին, և նա ընթերցած չլիներ: Նա մեր երջանկահիշատակ դեկան Կարեն Սահակյանի դուստրն է, և կարող էր գոնե մեկ անգամ գլուխ պահել կամ չմասնակցել դասին: Բայց Գոհարիկը եղավ օրինակելի ուսանող, միշտ պատրաստ դասին ու քննությանը: Բանասեր դառնալու առաջին նախապայմանը բնագրին տիրապետելն է, դասախոս լինելու համար՝ ուսանողին գիտելիք տալը, հակառակ դեպքում ուսումնասիրությունդ դառնում է ջուրթակոցի, դասավանդելդ՝ դասավարտի ժամին սպասելու հոգետանջանք: Շնորհավորում եմ Գոհար Սահակյանին, նրա ընտանիքին, ուսուցիչներին և դասախոսներին: Նա այլևս ամուր է կանգնած հողին»,- Մ. Քումունց:
